Pune News शास्त्रीनगर परिसरात (Pune News) रंगत असलेल्या गरबा कार्यक्रमाला भाजप खासदार मेधा कुलकर्णी (Medha Kulkarni) यांनी धाड टाकून थांबवले. कार्यक्रमात आवाजाची मर्यादा ओलांडल्याचा आरोप करत त्यांनी त्वरित हस्तक्षेप केला.
आवाजाच्या नियमांचे उल्लंघन करणाऱ्या कार्यक्रमावर योग्य कारवाई न झाल्यामुळे, खासदार कुलकर्णी यांनी स्वतः या कार्यक्रमाला थांबवण्याची जबाबदारी घेतली.
शास्त्रीनगर परिसरातील रहिवाशांना या गरबा कार्यक्रमामुळे मोठा त्रास होतो होता. कार्यक्रमाच्या ठिकाणी होणाऱ्या गोंधळाचे आणि धिंगाण्याचे व्हिडिओ नागरिकांनी पाठवले होते. त्यामुळे खासदार कुलकर्णी यांनी इशारा दिला की, येथून पुढे नियमभंग करणारे कोणतेही कार्यक्रम आयोजित होऊ नयेत.
खासदार मेधा कुलकर्णी म्हणाल्या, “कार्यक्रमाचा आवाज इतका जास्त आहे की वृद्ध, लहान मुले आणि आजारी रुग्ण यांना त्रास होतो. मी स्वतः आरतीसाठी गेले असताना अनेकांनी गोंगाटाचे व्हिडिओ पाठवले. हवेतर मी व्हॉट्सअॅपवरही ती माहिती पाहिली. येथे लिव्हर कॅन्सरचे रुग्ण आहेत, तर 90 वर्षे वयाचे वृद्ध नागरिक आहेत, त्यांनी काय अनुभवले असेल, हे आपण विचारही करू शकतो. दरवर्षी येथे दहीहंडी आणि गरबा कार्यक्रम आयोजित केले जातात, मात्र अशा आवाजामुळे परिसरातील रहिवाशांचे जीवन संकटात येते.”
खासदारांनी पुढे सांगितले की, “आजपासून हा गरबा कार्यक्रम या ग्राउंडवर आयोजित होणार नाही. परिसरातील लोकांचा आवाजामुळे त्रास होत आहे, तसेच कार्यक्रम नियमभंग करून चालवला जात आहे. सर्व धार्मिक नियम पाळले जात नाहीत. मी याबाबत शास्त्रीनगर पोलीस ठाण्यात तक्रार नोंदवली आहे.”
